Pie touni

Man tann sa chak lè man soufè
Chak lè man trapé an mal tjè
Moun ka di mwen sa ké alé
I ni an soulyé ba tout pié
Pawòl pou ba an ti lèspwa
Gadé sa pa moun ki pli kwè
Lamnou man jwenn li plizyè fwa
Asé pou sav man pa enmen'y

Zot pé di li trasé chimen'y
Maché san soulyé sa pa ayen
Pié touni man ké vansé pli lwen
Pié touni man ka santi ko mwen byen

Aprézan la pot la fèmé
Man pa lé wè pèsonn anko
Man jété la klé an chimen
Pa vini frapé "to to to"
Pa vin soné pa mem kriyé
Man pé ké pwan tan pou réponn
Téléfon lan ja débwanjé
Jodi man pa la ba pèsonn

Zot pé di li trasé chimen'y
Maché san soulyé sa pa ayen
Pié touni man ké vansé pli lwen
Pié touni man ka santi ko mwen byen

(interlude ukulélé)

(La pot la pé ké jan ouvè
Pa la penn vwéyé mwen piès flè
Man ja tiré non mwen alè'y
Man ja di pasé pas viré)

Zot pé di li trasé chimen'y (alé an lot koté)
Maché san soulyé sa pa ayen (bizwen man pa chèché)
Pié touni man ké vansé pli lwen
Pié touni man ka santi ko mwen byen

Zot pé di li trasé chimen'y
Maché san soulyé sa pa ayen
Pié touni man ké vansé pli lwen
Pié touni man ka santi ko mwen byen