Famme partì

Stamme aspettanne 'a cchiù 'e mill'anne
Che coccheduno passa e tutto cagna
Sempe assettati 'ngopp' 'o divano
Tutt'esauriti e cu' 'na birra mmano
Simme 'o cuntrario 'e chell' ca dicimme
Sperzi e perute mentre ce chiagnimme 'nguollo
Tutt' 'mbrattate a primma matina
Currenno sempe addò vonn' llor'

Nun voglio credere che 'o munno va accussì
Sì nun me aizo, ammore, chiammame e famme partì
Nun pozzo credere che 'o munno va accussì
Sì nun me aizo, ammore, chiammame e famme partì
Chiammame e famme partì

E chi se sente dint' 'a gaiola
Nun po' sfugà comme a chi è libero e vola
Ma po' si è liberi overamente
Quanne te 'nzerrano e nisciuno te sente
Chi va azzuppanno dint' 'o piatto tuoje
'O sape buono ca sì tu ca 'o vuò
Pecchè addò magna 'nu guaglione 'e core
Ce magnano almeno ciento 'e llor'

Ma se te firm' a penzà (ahiahiahiahi)
Quanne te miett' a penzà (ahiahiahiahi)

Nun voglio credere che 'o munno va accussì
Sì nun me sceto, ammore, chiammame e famme partì
Nun pozzo credere ca 'o munno va accussì
Sì nun me aizo, ammore, chiammame e famme partì
Chiammame e famme partì

Nun voglio credere che 'o munno va accussì
Sì nun me sceto, ammore, chiammame e famme partì
Nun pozzo credere che tutto va accussì
Sì nun me aizo, ammore, chiammame e famme partì
Chiammame e famme partì
Chiammame e famme partì
Chiammame e famme... partì